Tinanggap ni Pacquiao ang hamon ni Duterte para sa kampanya kontra korapsyon

duterte-pacquiaoTinanggap ni Senador Manny Pacquiao ang hamon ni Pangulong Rodrigo Duterte na pangalanan ang mga tanggapan ng gobyerno na magpapakita ng katiwalian sa ilalim ng administrasyon ay “tatlong beses” na mas masahol kaysa dati.

Ang pahayag ay ginawa ni Pacquiao isang araw matapos siyang tawagin ni Duterte para sa pagpuna sa pamamahala sa umano’y paglaganap ng graft.

“Tinatanggap ko ang hamon ng Pangulong Rodrigo Duterte. Salamat po at binigyan nyo kami  ng pagkakataon na tumulong sa inyo at bigyan kayo ng mga impormasyon para kampanya kontra korapsyon,” sabi ni Pacquiao.

“Magsimula tayo sa DOH. Silipin at busisiin natin lahat ng mga binili mula sa rapid test kits, PPE , masks at iba pa. Handa ka ba Sec. Francisco Duque na ipakita ang kabuuan ng iyong ginagastos? Saan napunta ang pera na inutang natin para sa pandemya?”dagdag niya.

Sinabi ni Pacquiao kay Duterte na siya ay hindi isang “sinungaling” o “kurakot.”

“Mawalang galang po mahal na Pangulo, ngunit hindi ako sinungaling. May mga naging pagkakamali ako sa buhay na aking itinuwid at itinama nguni’t dalawang bagay ang kaya kong panghawakan. Hindi ako tiwali at hindi ako sinungaling,” sinabi niya.

Sinabi ng mambabatas na jay Duterte ay nagtatalo tungkol sa katiwalian kung ito ay isang problema dapat magsama sila upang labanan ang ganitong korupsyon sa ialim ng Administrasyon.

“Nakakalungkot na sa isyu ng korapsyon kami magtatalo, dahil ang kailangan ng bansa ay mga lider na magtutulungan laban dito,” sabi niya.

Naalala din ni Pacquiao ang pahayag noong Oktubre 27, 2020 ni Duterte na nagsabing:”I will concentrate the last remaining years of my term fighting corruption kasi hanggang ngayon hindi humihina  lumalakas pa lalo.”

Sa Lunes ng gabi, pinangahas ni Duterte si Pacquiao na kilalanin ang mga tiwaling opisina at ipapakita niya na kaya niya ang sitwasyon sa loob ng isang linggo.

“Si Pacquiao salita nang salita na three times daw tayong mas corrupt so I am challenging him, ituro mo ang opisina na corrupt at ako na ang bahala within one week may gawin ako,”sabi ni Duterte.

“‘Di ba ang sabi ko noon if you come to know that there is corruption, let me know? Give me the office. Ganoon ang dapat ginawa mo… Wala ka namang sinabi all these years. Puro ka praises nang praises sa’kin tapos ngayon sabihin mo corrupt,” dagdag niya.

Tinira din ng Pangulo si Pacquiao sa kanyang pangako na magtatayo ng mga tahanan “para sa lahat sa anim na taongna panunungkulan.”

“Do not ever think that if you will win as president na wala nang corruption dito sa Pilipinas,” SInabi ni Duterte kay Pacquiao.

Nauna nang binatikos ni Duterte si Pacquiao matapos sabihin ng huli na kulang ang paninindigan ng bansa sa West Philippine Sea.

Sa dalawang pinakamataas na opisyal ng PDP-Laban na nag-aaway, sinabi ng executive vice chairman ng partido na si Senador Aquilino “Koko” Pimentel III, na dapat payagan sina Pacquiao at Duterte na ayusin ang kanilang mga isyu nang pribado.

Si Duterte ay chairman ng PDP-Laban habang si Pacquiao ay nakaupo bilang acting president ng partido.

Leave a Reply

Your email address will not be published. Required fields are marked *